Friday, October 31, 2014

Not Pou Lapres : Pesekisyon lapolis Okap kont Militan Shada II apre Manifestasyon 26 avril 2014

Nòt pou Laprès 

Vè 10:30 è nan aswè jounen 26 avril lan, Lapolis nan Okap arete yon militan opozisyon an, Willy Marcellus, 23 lane nan Katye Shada II sou baz li te voye wòch nan reyinyon Depite Kenston Jean Baptiste tap òganize nan katye Shada II vè 4è. Lapolis kraze pòt kay Willy pou yo rantre pranl epi matirizel ak anpil souflèt devan je madanm li

Lapolis Okap sou lòd Depite PSP Kenston Jean Baptiste pwofite deklanche yon kanpay ratibwazay kont tout jèn militan nan katye Shada II kite potekole nan manifestasyon opozisyon an ki te reyini plizyè milye moun jounen samdi 26 avril lan nan Okap.

Kolektif pou Libere Ayiti (MOPOD Nò) ak Mouvman Popilè Nò ekzije prese prese liberasyon Willy Marcellus epi denonse kanpay pèsekisyon Lapolis Okap ak Depite PSP Kenston Jean Baptiste kont Militan Shada II. 

Kolektif lan ak MPN pwofite raple opinyon piblik nasyonal tankou entènasyonal, espesyalman oganizasyon dwa moun yo ka Harry Dorelus, yon militan opozisyon,   Lapolis ak konplisite lajistis Okap kenbe depi plis pase 5 mwa nan prizon apre manifestasyon 18 novanm nan Okap. 

Nap fini pou di : 26 avril 2014 pa 26 avril 1963 ak 1986, nou pap retounen nan rèy krazezo Tibobo ak Bòs Pent. 

 

Okap 27 avril 2014

 

1- Hugues Celestin, Kolektif

2- Joseph Michel-Ange, MPN

 

 

No comments:

Post a Comment