Tuesday, November 11, 2014

OUVRI POT LOPITAL LA SOUPLE!!!

S.O.S Kwadèboukè!! 

OUVRI POT LOPITAL LA SOUPLE!!!

Pouki Martelly ak Lamothe pavle ouvri lopital Gouvènman Tik fè Kwadèboukè kado a?

Pouki se Zèb kap pouse nan lakou lopital la, olye de LA swenyaj?

Poukisa Depite Tholbert pavle pot lopital LA ouvri nonplis?

Daprè yon sous ke nou ka fè konfyans....

Nou apran-n ke depite Vil LA kanpe an kwa pou lopital LA pa louvri, paske toutotan se pa li kifè chwa Pèsonèl lopital LA. Li di pot LA ap toujou rete fèmen! 

Men kote-n bare ak modèl lidè sa yo m'zanmi?

Kote Ex-Ajan enterime kap mache fè pwopagand sal pou tèt kale sou fb yo (Nyrvah)
Swadizan Kandida ak fiti Lidè lakay yo kap mache fè kanpay nan tout Vil LA, Kote nou?
Ban-n NEN FRÈT!!!!

Aprè Goudougoudou te pase lakay gouvènman Tik La deside bay Ayiti kom kado yon lopital. Granmèsi bondye se Kwadèboukè yo te chwazi fè lopital la.

Yon nesesite ak yon bezwen ke Vil LA bezwen, paske pa menm gon bon sant de sante nan Vil LA alevwa pou yon klinik. Ah wi mwen pap konte swadizan lopital gouvènman brezil fèk sot inogire nan zon-n bedè a nonplis.

Si yon dyare ak vant fè mal bare yon moun Kwadèboukè nan nwit, yo pagon kote ki prè pou yo kouri. Pou valè moun Kwadèboukè ki mouri pandan yo nan wout pou lopital petyonvil, lavil ou byen Hench.hmmm

Pou yon gouvènman kap mache pasi pala ap bat lestomak yo, map mande m pou se zèb kap pouse nan lakou lopital LA?

Daprè yon atik ki soti nan nouvelis semen pase a, lopital LA prè depi 2012 poul te louvri pot li, men elas nou pral pran 2015 NAD marinad. http://lenouvelliste.com/lenouvelliste/article/137891/Lhopital-public-de-Croix-des-Bouquets-peine-a-ouvrir-ses-portes

Kisa gouvènman Martelly/Lamothe LA ap tann pou otorize ak bay lese pase ak kontenè gouvènman Tik la di ki bloke nan Dwa-n dik dantan, chajeuuuu ak materyèl ladan'l pou lopital LA.

Ajan enterimè vini, ajan ale youn pa panse l ni jije nesesite ak ijans pou louvri pot lopital LA nan Kwadèboukè. Tou denyeman nou te wè Solda Ayiti Ayiti Solda kitap fè pwopagand ak lopital LA. An pansan ke finalman pot li ta pral louvri pou desèvi popilasyon an...men sete dilatwa l tap fè tou.

Eske moun Kwadèboukè pa moun, eske nou menm tou nou pa merite sèvis ijans ak LA swenyaj?

Kote swadizan Depite lakay LA pase? Olye yo travay pou bay popilasyon an sèvis, ak swen medikal. Yon bagay ke yo pa menm swe pou fè, yo pito mache fè kanpay pou plas politik. Depite a pito fè politik am lopital LA. 

Li bezwen sèl mèt e seyè, sil pa an chaj, ki mele l si milye moun ap mouri nan Vil LA ap mouri chak ane ..hmmm

Payas ak malfra ki lakay yo men ki sa yo vo menm? Bann mechan!!!

Swadizan Kandida ak fiti lidè san vizyon yo, m'banou poul poukisa-n pa AJI?

Pierre Holligario Seignon

No comments:

Post a Comment